MChJ moddiy javobgar shaxslari chet-eldan import qilingan mahsulotlar sotuvidan tushgan pullarni oʻzlashtirishgan.

Bosh prokuratura huzuridagi Departamentning Bektemir tuman boʻlimi tomonidan tadbirkorlik subyektlarining huquqlarini himoya qilish yuzasidan tergovga qadar tekshiruvda oʻtkazilgan.

Unda, “H.” MChJ moddiy javobgar shaxsi B.Q. va boshqalar oldindan til biriktirib, MChJ tomonidan Pokiston va Eron davlatlaridan import qilingan meva-sabzavot mahsulotlarini sotuvidan tushgan 489,7 mln. soʻmni oʻzlashtirish yoʻli bilan talon-toroj qilganliklari aniqlangan.

Maʼlum qilinishicha, mazkur holat yuzasidan Jinoyat kodeksining 167-moddasi (oʻzlashtirish yoki rastrata yoʻli bilan talon-toroj qilish) bilan jinoyat ishi qoʻzgʻatilib, tergov harakatlari oʻtkazilmoqda.

• Bosh prokuratura
• Jinoyat