Kecha, 2-aprel kuni Xitoyning Usi shahrida taekvondo WT boʻyicha “Katta dubulgʻa” musobaqasi final bosqichining ilk kuni yakunlandi. Quvonarlisi, unda Oʻzbekiston terma jamoasi 1 ta oltin medalni qoʻlga kiritdi.

Ushbu medalga -68 kg vazn toifasida bahs olib borgan Tokio-2020 Olimpiadasi chempioni Ulugʻbek Rashitov mualliflik qildi. Ulugʻbek finalda eronlik Doniyol Bozorgʻishobdan ustun keldi.

-68 kg:

Ulugʻbek Rashitov (Oʻzbekiston) – Oltin

Doniyol Bozorgʻishob (Eron) – Kumush

Rizo Kalgor (Eron) – Bronza

Oʻz navbatida, bugun, musobaqaning oxirgi kun dasturida Oʻzbekiston terma jamoasining 5 nafar aʼzosi medallar uchun jang qiladi.

Ahamiyatlisi, -58 kg vazndagi ikki oʻzbekistonlik sportchi ilk bosqichda oʻzaro toʻqnash kelishgan.

Vakillarimizning birinchi bosqichdagi raqiblari bilan tanishing:

+73 kg: Svetlana Osipova — Lorena Brendl (Germaniya) / Dana Azran (Isroil)

-58 kg: Amirbek Toʻrayev — Nazarali Nazarov

-80 kg: Jasurbek Jaysunov — Mingkuan Meng (Xitoy)

-80 kg: Shuhrat Salayev — Mirhoshim Husayni (Eron)

• Katta dubulg‘a
• Taekvondo
• Xitoy