Oliy ta’lim, fan va innovatsiyalar vazirligi huzuridagi Raqamli ta’lim texnologiyalarini rivojlantirish markazining ma’lum qilishicha, talabalar turar joyi uchun ariza yuborish boshlandi.

Unga ko‘ra, bugun, 1-avgustdan boshlab talabalar arizalarini my.gov.uz portali orqali yuborishlari mumkin.

Dastlab imtiyoz va ustuvorliklarga ega talabgor talabalar turar joylariga qabul qilinadi.

Shundan so‘ng, umumiy ro‘yxatdagi talabalar uchun yotoqxonada ortib qolgan o‘rinlar soniga nisbatan navbat asosida taqsimlanadi.

Qayd etilishicha, arizalar qabuli 1-avgustdan boshlab o‘quv yili yakuniga qadar davom etadi.

Ma’lumot uchun, 2024/2025-o‘quv yilida OTM 1-bosqichiga tavsiya etilgan abituriyentlar yakuniy natija chiqqandan so‘ng ariza yuborishlari mumkin bo‘ladi. Ular uchun ham joylar yuqoridagi tartib asosida ajratiladi.

• Oliy ta'lim
• Talabalar