Respublika oliy ta’lim muassasalarida tahsil olayotgan talabalarga qishki ta’til mobaynida mahalliy yo‘nalishdagi qatnovlar uchun chegirmalar e’lon qilindi. Bu haqda O‘zbekiston temir yo‘llari AJ ma’lum qildi.

Barcha mahalliy yo‘nalishdagi SV/VIP klass vagonlaridan va yuqori tezlikda harakatlanuvchi “Afrosiyob” elektropoyezdlaridan tashqari yo‘lovchi poyezdlarining temir yo‘l hujjatining to‘liq qiymatidan 50 foiz chegirma 2024-yil 23-dekabrdan 2025-yil 10-yanvarga qadar amal qiladi.

Chiptalarni sotib olish uchun talabalar pasport bilan temir yo‘l kassalariga tashrif buyurishi yoki elektron tarzda chipta xarid qilishda eticket.railway.uz saytidan foydalanishlari mumkin.

• O‘zbekiston temir yo‘llari
• Talabalar
• chegirma