Bosh prokuror Nig‘matilla Yo‘ldoshev raisligida Terroristik, ekstremistik yoki boshqa taqiqlangan tashkilot va guruhlar tarkibiga adashib kirib qolgan O‘zbekiston fuqarolarining murojaatlarini ko‘rib chiqish bo‘yicha Respublika idoralararo komissiyasining navbatdagi yig‘ilishi bo‘lib o‘tdi.

Yig‘ilishda Oliy sud, IIV, Mahalla va oilani qo‘llab-quvvatlash va Tashqi ishlar vazirliklari, Diniy qo‘mita, Musulmonlar idorasi rahbar xodimlari, DXX va Bosh prokuraturaning tegishli boshqarma va tarmoq boshliqlari hamda mas’ul xodimlari  qatnashdilar.

Tadbirda tegishli normativ-huquqiy hujjatlar ijrosi yuzasidan taqiqlangan tashkilotlar tarkibiga adashib kirib qolgan 14 nafar fuqarolarning jinoiy javobgarlikdan ozod etish haqida taqdim etilgan murojaatlari ko‘rib chiqildi. 

Yig‘ilishda komissiya a’zolari tomonidan bir ovozdan taqiqlangan tashkilotlar tarkibiga adashib kirib qolgan 9 nafar fuqarolarni jinoiy javobgarlikdan ozod etish hamda 5 nafar fuqarolarni jinoiy javobgarlikdan ozod qilishni rad qilish haqida xulosalar qabul qilish haqida ovoz berildi. 

Jinoiy javobgarlikdan ozod qilingan 9 nafar fuqarolarni O‘zbekistonga qaytarish, ijtimoiy-huquqiy yordam ko‘rsatish, shu jumladan, ularning bandligini ta’minlashga ko‘maklashishga qaratilgan tashkiliy chora-tadbirlarni amalga oshirish haqida topshiriqlar berildi. 

Yig‘ilishda komissiya va ishchi guruh a’zolarining kelgusi vazifalari belgilab olindi.

• Jinoyat
• Prokuratura