Toshkent shahrida dzyudo bo‘yicha Grand Slam musobaqasining ikkinchi kun bellashuvlari o‘tkazilmoqda.

Kun yakuniga ko‘ra, O‘zbekiston vakillari 2 ta kumush va 1 ta bronza medallariga ega bo‘lishdi.

-73 kg vazn toifasida bronza medallari ikki o‘zbek sportchisi qarama-qarshiligida Shahram Ahadov Obidxon No‘monovdan ustun keldi va bronza medaliga sazovor bo‘ldi. 

-70 kg vazn toifasida Xurshida Razzoqberdiyeva finalgacha yetib bordi va hal qiluvchi bahsda yaponiyalik Rin Mayedaga imkoniyatni boy berib, kumush medal sohibasiga aylandi.

-81 kg vazn toifasida Arslonbek Tojiyev finalga qadar yetib bordi va hal qiluvchi bahsda IJF nomidan bahslarda qatnashayotgan Timur Arbuzovga mag‘lub bo‘lib, kumush medal bilan kifoyalandi.

Kecha musobaqaning birinchi kunida polvonlarimiz 1 ta kumush va 4 ta bronza medalini qo‘lga kiritgandilar.

Shu tariqa, ikki kun yakuniga ko‘ra, O‘zbekiston terma jamoasi 3 ta kumush va 5 ta bronza medaliga ega bo‘lib turibdilar. Ertaga, 2-mart kuni musobaqaning so‘nggi kun bellashuvlari o‘tkaziladi va unda og‘ir vaznli dzyudochilar medallar uchun kurashadi. 

Medallar jamg‘arish reytingida dzyudo vatani Yaponiya terma jamoasi peshqadamlikni qo‘lga olgan. O‘zbekiston terma jamoasi esa ikkinchi o‘ringa joylashgan. Ispaniya esa uchinchi o‘rinni band etgan.

• Dzyudo
• Toshkent
• turnir