Uch kun davomida Toshkent mezbonlik qilgan dzyudo bo‘yicha “Katta dubulg‘a” turkumiga kiruvchi turnir o‘z yakuniga yetdi.

Murosasiz bellashuvlarda O‘zbekiston terma jamoasi 1 ta oltin, 3 ta kumush, 8 ta bronza, jami 12 ta medal jamg‘arishga erishdi. Ushbu natija bilan o‘zbekistonlik dzyudochilar umumjamoa hisobida Yaponiya va Xitoy termalaridan keyin uchinchi o‘rinni egalladi. Tarixda ilk bor O‘zbekiston terma jamoasi bitta “Katta dubulg‘a” turnirida 12 ta medalga ega chiqdi va o‘z rekordini yangiladi.

O‘zbekiston dzyudo terma jamoasining barcha sovrindorlari:

Oltin medal:

Shaxzodxo‘ja Sharipov

Kumush medallar:

-66 kg: Zamaxshari Bekmurodov

-70 kg: Xurshida Razzoqberdiyeva

-81 kg: Arslonbek Tojiyev

Bronza medallar:

-60 kg: Kamoliddin Baxtiyorov

-60 kg: Anvarjon Ibrohimov

-66 kg: Muhriddin Tilovov

-66 kg: Artyom Shturbabin

-73 kg: Shahram Ahadov

-90 kg: Nurbek Murtazoyev

-100 kg: Ernazar Sarsenbayev

+100 kg: Alisher Yusupov.

• Dzyudo
• O‘zbekiston
• Toshkent
• rekord