Ikki hafta davomida Niderlandiyaning Veyk-an-Zeye shahri mezbonlik qilayotgan shaxmat bo‘yicha an’anaviy “Tata Steel Chess-2025” musobaqasi bugun o‘z yakuniga yetadi.

Bugun so‘nggi 13-turda “Masters” guruhida 3-o‘rinni egallab turgan Nodirbek Abdusattorov oq donalarda hindistonlik Pentala Harikrishnaga qarshi bahs olib boradi. Nodirbekda turnir chempioni bo‘lish imkoniyati qolmagan.

Sababi, undan bir ochko ko‘p jamg‘argan ikki hind grossmeysterlari bugun 13-turda o‘zaro uchrashuvda munosabatlariga oydinlik kiritib olishadi. Har qanday natija yo Gukesh yoki Rameshbabuni chempion qiladi. Yakuniy partiya oldidan amaldagi jahon chempioni Gukesh Dommaradju 8,5 ochko bilan qo‘shimcha ko‘rsatkichlarga ko‘ra peshqadam bo‘lib turibdi. Abdusattorov kecha hindistonlik Arjun Ergaisiga yutqazmaganida, bugun chempionlik uchun imkoniyatni saqlab qolgan bo‘lar edi. Shunday bo‘lsa-da, unda hali ham ikkinchi o‘rinni egallash imkoniyati mavjud.

• Gollandiya
• Nodirbek Abdusattorov
• Shaxmat