Superogʻir vazn toifasida WBC yoʻnalishi chempioni Tayson Fyuri WBO, WBA, IBF va IBO yoʻnalishlari boʻyicha jahon chempioni Aleksandr Usik bilan birlashtiruvchi jang oʻtkazishni chin dildan xohlashini aytdi.

“Men Usik bilan barcha kamarlar uchun jang qilmoqchiman. Ha, bu haqiqatan. Shundan keyin men bas qilgan boʻlardim. Jo Joys bilan jang boʻladimi? Yoʻq, bu menga unchalik qiziq emas. Meni Dillian Uayt ham qiziqtirmaydi. Men har doim aytganman, meni faqat ikkita jang qiziqtiradi — Aleksandr Usik va Entoni Joshua bilan.

Qolgan variantlar men uchun qiziq emas. Biz hamma narsani fevralda bilib olamiz. Hozir noyabr, bir necha oy ichida koʻp narsa sodir boʻlishi mumkin”, — deya Tayson Fyuridan iqtibos keltiradi BoxingNews24.

Eslatib oʻtish mumkin, Aleksandr Usik Entoni Joshua bilan jangda toʻrtta chempionlik kamarini qoʻlga kiritgan edi.

• Boks
• Sport