Qozogʻistonning Chimkent shahrida oʻtkazilgan “Chellenjer” tasnifiga kiruvchi turnir yakunlandi.

Turnirning juftlik bahslarida gretsiyalik Markos Kalovelonis bilan tandem hosil qilgan holda ishtirok etgan sportchimiz Sanjar Fayziyev bugun final uchrashuvida yaponiyalik Utida Kaiti va Mixael Torpegaard juftligiga qarshi kortga chiqdi.

1 soat-u 37 daqiqa davom etgan bellashuvda Fayziyev/Kalovelonis juftligi raqiblarini 6/7, 6/4, 10/4 hisobida magʻlub etib, turnirning bosh sovrinini qoʻlga kiritdi.

Avvalroq, turnirning yakkalik bahslarida ishtirok etgan boshqa bir vakilimiz Sergey Fomin finalda niderlandiyalik Robin Xaasga qarshi 1 soat 36 daqiqa davom etgan oʻyinda raqibini 7:6, 6:3 hisobida magʻlubiyatga uchratib, musobaqa chempioniga aylandi.

• O‘zbekiston
• Tennis