3–4-fevral kunlari Toshkentda tennis boʻyicha Devis kubogi saralash bosqichi doirasidan oʻrin olgan Oʻzbekiston va AQSh terma jamoalari oʻrtasidagi uchrashuv boʻlib oʻtadi.

Bellashuvlardan oldin oʻtkazilgan matbuot anjumanida Yoshlar siyosati va sport vazirining oʻrinbosari Shahrullo Mahmudov, MOQ Bosh kotibi Oybek Kasimov, Oʻzbekiston tennis federatsiyasi Bosh kotibi Iroda Toʻlaganova va xalqaro tennis federatsiyasidan tashrif buyurgan ekspertlar ishtirok etishdi.

Anjumanda, boʻlajak uchrashuvda tajribali Denis Istomin qatnashmasligi maʼlum qilindi.

Qurʼa natijasiga koʻra, juftliklar quyidagicha shakllandi:

3-fevral:

Sergey Fomin – Makkenzi Makdonald

Humoyun Sultonov – Tommi Paul

4-fevral:

Sanjar Fayziyev / Sergey Fomin – Ostin Kraychek / Rajiv Ram

Sergey Fomin – Tommi Paul

Humoyun Sultonov – Makkenzi Makdonald

• AQSh
• Devis Cup
• O‘zbekiston
• Tennis