Kashmirdagi teraktdan so‘ng Hindiston hukumati Pokistonning barcha fuqarolarini mamlakat hududidan chiqarib yuborishga qaror qildi. Bu haqda Times of India nashri xabar bermoqda.

Hindiston, shuningdek, SAARK kelishuvi doirasida pokistonliklar uchun vizasiz rejimni to‘xtatdi. Pokiston fuqarolariga ilgari berilgan barcha vizalar haqiqiy emas deb topildi. Ushbu vizalar bilan mamlakatda bo‘lgan pokistonliklarga 48 soatlik sayohat vaqti berildi.

Nyu-Dehlida oliy komissiya huzurida ishlagan Pokiston armiyasi, floti va aviatsiyasi vakillari non grata shaxslari deb tan olingan. Ularga Hindistonni tark etishlari uchun bir hafta muddat berildi.

22 aprel kuni Hindistonning Jammu va Kashmir shaharlarida terrorchilik hujumi sodir bo‘ldi. Pahalgam yaqinida qurollangan jangarilar Baysaran vodiysidagi yo‘l bo‘ylab ko‘tarilgan sayyohlarga qarata o‘q uzdilar. Natijada 27 kishi halok bo‘lgan, yana 20 kishi jarohat olgan.

Fojiadan keyin mamlakatlar o‘rtasida vaziyat keskinlashdi. Nyu-Dehli sodir bo‘lgan voqeada Islomobodni aybladi, biroq Pokiston bu teraktga aloqadorligini rad etdi. 

• Hindiston
• Pokiston