Bugun, 15-dekabr kuni Birlashgan Millatlar tashkiloti Qochoqlar ishlari bo‘yicha oliy komissari boshqarmasining gumanitar yuki ortilgan ikkita maxsus yuk mashinasi Termiz orqali Afg‘onistonning Mozori Sharif shahriga jo‘natildi. Bu haqda Surxondaryo viloyati hokimligi matbuot xizmati xabar bermoqda.
Xabarda qayd etilishicha, insonparvarlik yordami BMT Qochoqlar ishlari bo‘yicha oliy komissari boshqarmasining O‘zbekiston – Afg‘oniston chegarasidan ikki kilometr uzoqlikda joylashgan "Termez Cargo Centre"da yuklanib, qo‘shni davlatga yuborildi. Qirq tonnaga yaqin gumanitar yuk oshxona anjomlari, plastmassa qoplama va boshqa zarur hayotiy buyumlardan iborat.
Matbuot xizmatining xabariga ko‘ra, gumanitar yordam yuklari joriy yilning oktyabr-noyabr oylarida havo va quruqlik orqali Termizga yetkazilgan va "Termez Cargo Centre" terminalida saqlangan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!