2022-yilda “Tesla” kompaniyasi yuqori inflyatsiya, iqtisodiy muammolar va ta’minot zanjiri muammolariga qaramay, moliyaviy yilda har qachongidan ham ko‘proq daromad oldi. Yulduzli tadbirkor Ilon Maskning elektromobil kompaniya ko‘rgan sof foyda o‘tgan yilga nisbatan 128 foizga oshib, 12,6 milliard dollarga (2021-yilda 5,5 milliard dollar) boyidi. Bu haqda kompaniya matbuot xizmati AQSH fond birjasi yopilgandan so‘ng ma’lum qildi. Ta’kidlanishicha daromad ham 51 foizga o‘sib, 81,5 milliard dollarni tashkil etdi.

Ilon Maskning fikricha so‘nggi vaqtlarda narxlarning pasayishi buyurtmalarning ko‘payishiga olib kelgan.

“Biz hozirda ishlab chiqarish hajmidan deyarli ikki baravar ko‘p buyurtmalarni qabul qilmoqdamiz”, – dedi milliarder.

“Tesla” 2023-yilda “ishlab chiqarishni imkon qadar tezroq kengaytirishni” maqsad qilgan va hali ham yillik o‘sishni 50 foizga oshirishni maqsad qilgan. Yaqinda kompaniya maxsulotlari narxlarining kamaytirilishi investorlar talabi pasayib ketishi mumkinligi haqidagi xavotirlarini kuchaytirgan edi.

Yilning so‘nggi choragida “Tesla” sof daromadilari 59 foizga oshirib, 3,7 milliard dollarni tashkil etdi, bu ham yangi rekord hisoblanadi. Dekabr oyi yakunigacha bo‘lgan so‘nggi uch oy ichida sotuvlar 37 foizga oshib, 24,3 milliard dollarga yetgan. Shunday qilib, muvaffaqqiyat kompaniya tahlilchilari kutganidan ham oshib ketdi.

Rekord raqamlarga qaramay, “Tesla” o‘tgan yili fond bozorida qiyinchilikka duch keldi. 2022-yilda aksiyalar narxi taxminan 65 foizga arzonlashdi. Biroq, hisobot e’lon qilingandan so‘ng, aksiyalar 5 foizdan ko‘proqqa o‘sdi.Ilon Maskning munozarali “Twitter” onlayn platformasini “egallab olishi” va kompaniya aksiyalarini taxminan 44 milliard dollarlik bitimni moliyalashtirish uchun sotib yuborishi sarmoyadorlarga yoqmadi.

Joriy yilning boshida “Tesla” avtomobil narxlarini, ba’zi hollarda 20 foizga kamaytirishga majbur bo‘ldi, bu an’anaviy avtomobil sanoati standartlari bo‘yicha g‘ayrioddiy strategiya.

Kompaniya shu yilning yozida o‘zining “Cybertruck” avtomobilini ishlab chiqarishni boshlashni rejalashtirmoqda. Biroq Ilon Mask uni ommaviy ishlab chiqarish 2024-yilgacha boshlanmasligi haqida ogohlantirdi.

Shuningdek, kompaniya yangi avtomobil platformasi ustida ish olib borayotgani aytildi. Bu haqdagi ma’lumotlar mart oyida e’lon qilinadi.

• Daromad
• Ilon_Mask
• Tesla