Texasda kuchli bo‘ronlar va tornado sodir bo‘ldi. Manvel shahri eng ko‘p zarar ko'rdi. Tornado oqibatida kamida bir kishi halok bo‘lgan, yana olti kishi yaralangan.

Bo‘ron shahardagi binolarga jiddiy zarar yetkazdi va elektr ta’minotida uzilishlarga olib keldi. Shahar sharqidagi hududlar aholisi elektr va suvsiz qolmoqda. 

Xyustondan taxminan 73 kilometr janubda joylashgan Brazoriya okrugida sherif idorasi bir kishining o‘limi va to‘rt nafari jarohatlanganini tasdiqladi. Xyuston shimolidagi Montgomeri okrugida yana ikki kishi kasalxonaga yotqizildi.

Milliy ob-havo xizmati ma’lumotlariga ko‘ra, shanba kuni Xyuston chekkasida ko‘plab tornadolar bo‘lgan. O‘nlab uylar vayron bo‘lgan, daraxtlar va elektr uzatish liniyalari qulagan. 

• AQSh
• Tabiiy ofat
• tornado