AQSh sharqiy Tinch okeanida giyohvand moddalarni tashiyotgani aytilgan uchta kemaga zarba berdi. Bu haqda AQSh Qurolli kuchlarining Janubiy qo‘mondonligi xabar berdi.

Ma’lumotlarga ko‘ra, hujumlar oqibatida jami sakkiz kishi: birinchi kemada uch kishi, ikkinchisida ikki kishi, uchinchisida yana uch kishi halok bo‘lgan. Qo‘mondonlik xabariga ko‘ra, kemalar xalqaro suvlarda zarba olgan.

AQSh harbiylari yaqinda Karib havzasi va Tinch okeanidagi kemalarga narkotrafikni nazorat qilish nomi ostida hujum qilishi, shuningdek, kemalarda bo‘lgan odamlarga to‘g‘ridan to‘g‘ri zarba berishi xalqaro hamjamiyatda “sudsiz qatl” deb ataladigan masalalar bo‘yicha munozaralarga sabab bo‘lmoqda.

• AQSh
• Kema
• Tinch okeani
• hujum