Oq uy saytida e’lon qilingan ro‘yxatga ko‘ra, endilikda Burkina-Faso, Mali, Niger, Janubiy Sudan va Suriya fuqarolariga ham Qo‘shma Shtatlarga kirish taqiqlanadi. Bundan tashqari, taqiq Falastin muxtoriyati tomonidan berilgan hujjatlar egalari uchun ham amal qiladi.

AQSh hukumati, shuningdek, ayrim davlatlar fuqarolariga nisbatan qisman kirish cheklovlari joriy etiladigan mamlakatlar ro‘yxatini kengaytirdi. Bu ro‘yxatga 15 ta davlat, jumladan Angola, Nigeriya, Senegal va Tanzaniya kiritildi.

Shu bilan birga, Vashington Turkmaniston fuqarolari uchun noimmigratsion vizalar berishga qo‘yilgan taqiqni bekor qildi, biroq immigratsion vizalar bilan kirish bo‘yicha cheklovlar saqlab qolindi.

Prezident Tramp iyun oyida maxsus farmon bilan 12 ta davlat fuqarolarining Qo‘shma Shtatlarga kirishini taqiqlagan, shuningdek yana 7 ta davlat fuqarolari uchun qisman cheklovlar joriy etgan edi. Ushbu ro‘yxatga Eron, Venesuela, Turkmaniston, Afg‘oniston va boshqa mamlakatlar kiritilgandi.

Noyabr oyida Oq uy ushbu 19 ta davlatdan kelgan xorijliklarning Green Card’larini qayta tekshirishini ma’lum qilgandi.

• AQSh
• Migratsiya
• Qaror
• Tashrif
• Tramp