Tokioning Narita xalqaro aeroporti ma’muriyati aeroport hududidagi toshbaqalar samolyotlar parvoziga xavf tug‘dirayotganini e’lon qildi.

Gap shundaki, samolyot yo‘llariga chiqib kelayotgan qattiq zirhli jonivorlarni avialayner trubinasi tortib ketgudek bo‘lsa, falokat ro‘y beradi.

Samolyotlar uchish-qo‘nish yo‘lagi yaqinida joylashgan hovuz mavjud bo‘lib, aeroport xodimlari sentyabrda o‘sha yerda toshbaqalarni ko‘rishgan. Shundan so‘ng o‘sha yo‘lak vaqtincha berkitilgan edi.

Aeroport ma’muriyati buning chorasini topish uchun mutaxassislar bilan maslahatlashishni rejalashtirgan. Hovuzdagi toshbaqalarni qisman yo‘q qilish, hamda hovuz va uchish yo‘lagi o‘rtasida to‘siq o‘rnatish ko‘rib chiqiladi.

• Aeroport
• Yaponiya
• tabiat