Tolibon vakillari shanba,  22-yanvar kuni muzokaralar olib borish maqsadida Norvegiyaga bordi, deya xabar bermoqda Euronews nashri.

Shuningdek, Tolibonning Norvegiyaga tashrifi arafasida Osloda afg‘on fuqarolarining norozilik namoyishi bo‘lib o‘tgan. Chunki, ular delegatsiya Norvegiya hukumati bilan o‘zaro muzokaralar olib borishiga qarshi.

Qayd etilshicha, delegatsiyaning ushbu uchrashuvi Kobul shahri nazoratga olingandan buyon G‘arbga birinchi tashrifi hisoblanadi.

“Norvegiyada tolibonlarga ehtiyoj yo‘q. Ular bizni vakil qilmaydilar”, deydi Norvegiyadagi afg‘on fuqarolaridan biri va namoyishchi Shahiya Soltani

“Tolibon Qo‘shma Shtatlardagi terrorchilar qora ro‘yxatida. Xo‘sh, nima uchun ularni qabul qilishimiz va ular bilan muzokara qilishimiz kerak?” – deydi Soltani.

Biroq, Norvegiya tashqi ishlar vazirligi Tolibon vakillarini joriy yil 23-25-yanvar kunlari oralig‘ida Osloga taklif qilganini ta’kidlagan. Shuningdek,  ushbu muzokaralarda, AQSh, Buyuk Britaniya, Fransiya, Italiya va Yevropa Ittifoqining maxsus vakillari ishtirok etishi kutilmoqda, deb yozadi Norvegiya VG gazetasi. Ammo vazirlik ushbu xabarga nisbatan rasmiy izoh bermagan.

“Uchrashuvda tolibonga qattiq talablar qo‘yiladi, ammo ular bizning harakatlarimizga qanday javob berishini bilmaymiz”, – deydi Norvegiya tashqi ishlar vaziri Anniken Huitfeld.
Murosasiz islomchilar hokimiyatga kelganidan beri ayollar va qizlarning ta’limoti mamlakatning ayrim hudularida to‘xtatildi, biroq o‘tgan hafta ular bizga qizlar uchun joriy yil mart oyiga qadar ta’lim olish choralarini yo‘lga qo‘yishini aytgan, deydi vazir.

Tolibon hukumati vakili Yevropa, umuman G‘arb davlatlari bilan diplomatik munosabatlarni yanada mustahkamlash, jumladan, urush muhitining qayta yuzaga kelib chiqmasligiga choralar ko‘rishini ta’kidlab o‘tgan.

Xabarda keltirilishicha, vakilning so‘zlari Afg‘onistonda bo‘layotgan vaziyatga mutlaqo zid kelmoqda. 

Eslatib  o‘tamiz, avvalroq daraksiz yo‘qolgan ikki nafar afg‘on ayollari haqida xabar berilgan edi.

• Norvegiya
• Toliblar