Bugun, 22 iyunda ijtimoiy tarmoqlarda Surxondaryo viloyatidagi “To‘polang suv ombori”da kuzatilgan vaziyatda shikastlangan va jabrlanganlar mavjud emas.

“O‘zbekgidroenergo” mutaxassislari bergan maʼlumotga ko‘ra, suv omborida olib borilgan modernizatsiya loyihasi doirasida sinov ishlari olib ketayotgan bosimli suv quvuri to‘sini shikastlanib, qo‘shimcha 40 metr kub/daq. hajmdagi suv GES binosi orqali chiqqan. Natijada umumiy suv sarfi 160 metr kub/daq. ga ko‘tarilgan va u To‘polang daryosiga yo‘naltirilgan (shu kunga qadar suv omborining suv chiqarish inshooti orqali daryoga 120 metr kub/daq. miqdorida suv chiqarilayotgan edi).

Taʼkidlanishicha, 160 metr kub/daq. suv sarfi miqdori To‘polang daryosi o‘zani uchun mutlaqo xavfsiz hisoblanadi (daryoning suv o‘tkazish qobiliyati 600 metr kub/daq.). Va bu daryoning pastki qismda yashovchi aholi xonadonlari va boshqa obyektlar uchun hech qanday salbiy oqibatlarni keltirib chiqarmaydi.

Ushbu voqea natijasida shikastlanganlar va jabr ko‘rganlar mavjud emas. Vaziyat to‘liq nazorat ostiga olingan. Ayni vaqtda barcha kuchlar safarbar qilinib, muammo bartaraf etilmoqda.

Eslatib o‘tamiz, avvalroq, ushbu holatda To‘polang suv ombori to‘g‘oni bilan bog‘liq biror-bir muammo kuzatilmagani xabar qilingan edi.

• FVV
• Surxondaryo
• Suv ombori
• To‘polang