Dubaydan qaytgan O‘zbekiston fuqarosi Toshkent aeroportida kasal bo‘lib qoldi. Ayol tez yordam mashinasida shifoxonaga olib ketilgan biroq shifokorlar uning hayotini saqlab qola olmagan.

Uzbekistan Airports matbuot xizmati ushbu hodisa yuzasidan munosabat bildirdi.

“Joriy yilning 7-oktabr kuni Toshkent vaqti bilan soat 17:34 da “Toshkent” xalqaro aeroporti tibbiyot punktiga yo‘lovchining kelish zalida o‘zini yomon his qilayotgani haqida qo‘ng‘iroq kelib tushgan. HY-334 Dubay – Toshkent reysi bilan kelgan 1986-yilda tug‘ilgan O‘zbekiston fuqarosi (ayol) pasport nazoratidan o‘tib, darhol yordam so‘ragan. Yo‘lovchi bosh og‘rig‘i va sog‘lig‘ining yomonligidan shikoyat qilgan. Kasallik tarixini inobatga olgan holda aeroport tibbiyot punkti xodimlari birinchi tibbiy yordam ko‘rsatib, keyingi kasalxonaga yotqizish uchun shahar tez yordam xizmatini chaqirishdi. Soat 18:32 da tez yordam mashinasi yo‘lovchini Toshkent aeroportining qo‘nish zalidan Respublika shoshilinch tibbiy yordam ilmiy markaziga olib ketdi” – deyiladi xabarda.

Bosh prokuratura matbuot kotibi Hayot Shamsutdinovning aytishicha, ayol reanimatsiya muolajalariga qaramay vafot etgan.

• Aeroport
• O‘zbekiston
• Toshkent