Kecha, 18-sentabr kuni “Tashkent index”ga talabalarni joylashtirish boshlandi.

Toshkent shahar hokimligi tashabbusi bilan shu kunlarda “Tashkent index” savdo majmuasida talabalar uchun yotoq joylarni tayyorlash jarayonlari olib borilayotgan edi.

Hokimlik tomonidan maqsad qilinganidek, ayni paytda mavjud ehtiyoj uchun qariyb 3 ming o‘rinli joy hozirlanib, dastlabki kunda ularga 600 dan ortiq talaba-qiz joylashtirilgan.

“Talaba-qizlar va ularning yaqinlari dastlab majmuadagi shart-sharoitni ko‘zdan kechirib, yaratilgan imkoniyatdan mamnun ekanliklarini yashirishmadi. Shuningdek, bu ishlarga bosh-qosh bo‘lgan Toshkent shahar hokimligi mas’ullariga o‘z minnatdorliklarini bildirishdi”, – deyiladi xabarda.

Qayd etish mumkin, ehtiyojdan kelib chiqib, yotoq o‘rinlarni oshirish va ularga talabalarni joylashtirish ishlari davom ettiriladi.

• Oliy ta'lim
• Universitet
• Yotoqxona