Toshkent metropolitenining tez-tez buzilishining asosiy sabablari aytildi.

Maʼlum qilinishicha, metropoliten harakati tarkiblarida 6-7 marotaba 2 daqiqadan 12 daqiqagacha to‘xtab qolish holatlari kuzatilgan.Mutaxassisning aytishicha, harakat tarkiblari va qurilmalari mavjud elektrodepolarda tizimli ravishda belgilangan jadval bo‘yicha texnik ko‘rikdan o‘tkazib kelinadi. Yo‘nalishlarning so‘ngi bekatlariga borilganda ham harakatga chiqishdan oldin mashinistlar tomonidan tekshiruv ishlari olib boriladi.

Ammo yo‘lovchilar sonining keskin ko‘payishi metro vagonlarga belgilangan yo‘lovchilar sonini 2 karra ko‘payishi va buning hisobiga vagonlarga normadan ortiq yuklama tushib ketishi metro poyezdlarini tez-tez buzilishiga olib kelmoqda.

Shuningdek, yo‘lovchilar tomonidan vagonlarda va metropoliten hududida shaxsiy buyumlarni qoldirib ketish kabi holatlar kuzatilmoqda. Bunda tekshirish maqsadida yo‘nalishdagi poyezdni harakati yo‘nalishidan olinadi va harakat intervalini uzayishiga olib keladi. Bu kabi holatlar bir oy davomida 9-10 marotaba uchraydi.Tahlillarga ko‘ra, yo‘lovchilar oqimining salmoqli qismi ertalabki tig‘iz vaqt (7:30 dan 9:30 gacha) va kechgi tig‘iz vaqtga (15:30 dan 19:00 gacha) to‘g‘ri kelishi maʼlum bo‘lgan. Qayd etilishicha, metropoliten nozimlari (dispetcher) tomonidan ko‘rilgan zaruriy choralar natijasida, elektropoyezdlarning tezkor ravishda jadval (grafik) asosida harakatlanishi tashkil qilinadi. 2024 yil davomida yana qo‘shimcha 104 dona zamonaviy metro vagonlarini xarid qilish ko‘zda tutilgan. Buning natijasida tasarrufdagi harakat tarkiblarini yangilanishiga hamda yo‘nalishlarda poyezdlar oraliq intervalini qisqartirishga erishiladi.

• Metro