Toshkent viloyatida 77 kg. giyohvandlik moddasini kartoshka ko‘rinishiga keltirib, uning savdosi bilan shug‘ullanishni niyat qilgan jinoyatchilar qo‘lga olindi.

Tezkor amaliyot 13-yanvar oqshomida Davlat bojxona qo‘mitasi Kontrabandaga qarshi kurashish Bosh boshqarmasi va DXX tezkor guruhi hamkorligida o‘tkazilgan. Bunda Toshkent tumani Hasanboy mahallasi hududida Damas’ga ortilayotgan qoplar xolislar ishtirokida tekshirilganda, ular ichidagi kartoshka ko‘rinishida qadoqlangan giyohvand vositalar aniqlangan.

Ma’lum bo‘lishicha, ichida opiy va gashish giyohvandlik moddalari bo‘lgan kartoshka ko‘rinishidagi 481 dona o‘ram mohirlik bilan qadoqlangan.

Giyohvandlik vositalar og‘irligi o‘rami bilan hisoblaganda jami 77 kilogramm 95 grammni tashkil qilgan. Tadbirning keyingi bosqichida qopdagi “kartoshkalar”ni qabul qilib olishi kerak bo‘lgan xorijiy davlat fuqarosi ham qo‘lga olingan.

Holat yuzasidan jinoyat ishi qo‘zg‘atilgan.

Narkokuryerlar O‘zbekiston chegarasini kesib o‘tishda qanday usullarni qo‘llashgan?

Quyida mavzuga oid fotogaleriya taqdim qilamiz.

• Giyohvandlik
• Jinoyat
• Toshkent