Bugun, soat taxminan 07:00 larda Toshkent viloyati, Yuqori Chirchiq tumani hududidan o‘tgan xalqaro ahamiyatga ega bo‘lgan A373 “Toshkent-O‘sh” avtomobil yo‘lining 4-kilometrida Howo rusumli maxsus jihozlangan sement tashuvchi yuk avtomobili haydovchisi rul boshqaruvini yo‘qotishi natijasida yo‘l chetida to‘xtab turgan Cobalt rusumli avtomobilga urilib, shundan so‘ng ag‘darilib ketgan.

Yo‘l-transport hodisasi natijasida maxsus jihozlangan sement tashuvchi yuk avtomobilida yong‘in kelib chiqqan. Shuningdek, yo‘l chetida harakatsiz turgan Cobalt rusumli avtomobilda bo‘lgan 1 nafar yo‘lovchi tan jarohati olib, shifoxonaga yotqizilgan.

Hozirda holat yuzasidan Yuqori Chirchiq tumani IIB tomonidan tergovga qadar surishtiruv ishlari olib borilmoqda.

• Chirchiq
• Toshkent viloyati
• YTH
• yong‘in
• yuk mashinasi