“Viloyatning 7 ta shahrida brutto-shartnoma asosida 21 ta yo‘nalishiga 170 ta yangi avtobuslar xarid qilinishi belgilangan edi”, – deb xabar berdi viloyat hokimligi matbuot xizmati.

Bu borada tadbirkorlar tanlovlar asosida aniqlanib, Angren shahridan ro‘yxatdan o‘tgan “Angren avto group” MChJ tomonidan Xitoy Xalq Respublikasidan 15 ta Yutong rusumli avtobuslarni bank krediti asosida xarid qilish bo‘yicha shartnoma imzolangan. Avtobuslar yaqin kunlarda olib kelinib, foydalanishga topshiriladi.

Olmaliq shahridan ro‘yxatdan o‘tgan “Olmaliq trans service” MChJ tomonidan ham 83 ta avtobus xarid qilish borasida Xitoyning avtobus ishlab chiqaruvchi kompaniya bilan shartnomalar imzolanishga kelishilgan.

Mazkur xarid qilinadigan zamonaviy avtobuslarda yo‘lovchilarga avtomatlashtirilgan elektron to‘lov tizimi tatbiq etish ko‘zda tutilgan.

Shuningdek, avtotransportlarni dispetcherlik markaziga integratsiya qilish hamda shahar avtobus yo‘nalishlarida avtomatlashtirilgan to‘lov tizimini to‘liq yo‘lga qo‘yiladi.

• Avtobus
• Hokimlik
• Import
• Toshkent viloyati
• Xitoy