Ijtimoiy tarmoqlarda tarqalgan, 18 yoshli talabaning vafot etgani toʻgʻrisida xabar yuzasidan Toshkent shahar IIB munosabat bildirdi.

Qayd etilishicha, 25-noyabr kuni taxminan soat 13.00 da Turin politexnika universitetining darvozasi yonida bir nechta yosh yigitlar uchrashishgan. Kelishmovchilik natijasida 18 yoshli A.R. (talaba emas) 18 yoshli Sh.R.ning (Turin politexnika universiteti talabasi) yuziga musht bilan urgan.

Zarba natijasida Sh.R. yerga yiqilgan va yetgan shikastlar oqibatida hayotdan koʻz yumgan.

Maʼlum qilinishicha, mazkur fakt asosida Oʻzbekiston Respublikasi Jinoyat kodeksining 104-moddasi 3-qismi (“Qasddan badanga ogʻir shikast yetkazish”) boʻyicha jinoyat ishi qoʻzgʻatilgan. Gumonlanuvchi qoʻlga olinib, hozirda tergov harakatlari davom etmoqda.

• IIB
• Qotillik
• Talabalar