2022-yilning 7-noyabr kuni ijtimoiy tarmoqlarda Toshkentda 47 yoshli erkak 6 yoshli qizchaga tegajog‘lik qilishga uringani aks etgan video tarqalgan edi.
O‘shanda Toshkent shahar jinoyat ishlari bo‘yicha Yunusobod tuman sudida 6 yoshli qizaloqqa tegajog‘lik qilishda ayblanayotgan R.Sh.ga nisbatan jinoyat ishi ko‘rib chiqilayotgani haqida xabar berilgandi.
Ma’lum qilinishicha, 2022-yilning 22-dekabr kuni Jinoyat ishlari bo‘yicha Toshkent shahar Yunusobod tuman sudi tomonidan R.Sh. (1975 y.t.) ni Jinoyat Kodeksining 25 (jinoyatga tayyorgarlik ko‘rish) va 119-moddalari (Jinsiy ehtiyojlarni g‘ayritabiiy shaklda majburan qondirish) bilan jinoyat sodir etganlikda aybdor deb topigan.
Oliy sud xabariga ko‘ra Jinoyat kodeksining 25-modda 4-qismi va 119-moddasi asosida ushbu kodeksning 57-moddasini qo‘llagan holda 10 yil muddatga ozodlikdan mahrum qilish jazosiga hukm qilindi. Jazoni o‘tash umumiy tartibli koloniyalarda belgilangan.
Qayd etish mumkin, 2022-yilning oktyabr oyida noma’lum erkak ko‘chada o‘ynab yurgan 6 yoshli qizlardan birini chaqirib, ko‘p qavatli uyning podyezdida unga tegajog‘lik qilishga uringan. Qizning qichqirishiga yo‘l qo‘ymaslik uchun qo‘llari bilan uning og‘zini yopgan. U yerda eshil tovushini eshitgach, erkak uni kiyintirib, 10 ga qadar sanashni aytgan va keyin chiqib ketgan.
Qiz voqea haqida onasiga aytgan, onasi esa huquq-tartibot idoralariga murojaat qilgan, erkak kamera yozuvlari yordamida 24 soat ichida topilgan. Tergov jarayonida u bir necha bor ko‘rsatmasini o‘zgartirgan. Psixologik tekshiruv qizaloqda jinsiy zo'ravonlikdan keyingi alomatlarga o‘xshash stressni aniqlagan edi. Mutaxassislar ham u haqiqatni gapirayotganini tasdiqlagan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!