Toshkentda to‘xtab turgan “Captiva” yonib ketdi. Holat yuzasidan Yo‘l harakati xavfsizligi boshqarmasi izoh berdi.

YHXB bergan dastlabki ma’lumotlarga ko‘ra, bugun, 1-fevral kuni soat 08:30 larda Toshkent shahar Shayxontohur tumani KXAY ko‘chasidagi 5-uy oldida to‘xtab turgan, fuqaro A.B.ga tegishli “Captiva” rusumli avtomobilda yong‘in yuzaga kelgan.

Yong‘in o‘t o‘chiruvchilar tomonidan bartaraf etilgan. Bir nafar fuqaro kuyish jarohati bilan shifoxonaga olib ketilgan.

Mazkur hodisa yuzasidan YHXB hamda FVB xodimlari tomonidan surishtiruv olib borilib, yong‘in yuzaga kelishining sabablariga aniqlik kiritilmoqda.

“Barcha haydovchilardan boshqaruvidagi transport vositasining texnik sozligiga e’tiborli bo‘lishlarini so‘raymiz”, – deyiladi xabarda.

• Toshkent
• YHXB
• yong‘in