Shayxontohur tumanida tunda Gentra haydovchisi janjal sabab bir guruh odamlarni bosib ketmoqchi bo‘lgan. Tarmoqlarda tarqalgan videolardan ma’lum bo‘lishicha, mashina oynasi tosh bilan teshilgan. Poytaxt YHXB holat bo‘yicha voqeada ishtirok etgan barcha fuqarolar IIBga topshirilganini xabar bermoqda.

Toshkent shahri Shayxontohur tumanida 7-fevral, jumaga o‘tar kechasi Jizzax viloyatida ro‘yxatdan o‘tgan Gentra haydovchisi (raqami 25 A 888 MA) janjal paytida bir guruh odamlarni bosib ketmoqchi bo‘ldi.

Ushbu holat tumanning Taxtapul ko‘chasida taxminan soat 03:20 larda sodir bo‘lgan. Videoda qasddan urib yuborishga urinishdan so‘ng ikki kishi avtomobilning old oynasiga tosh otib, uni sindirganini ko‘rish mumkin.

Hozirda avtomashina jarima maydoniga topshirilgan. Shuningdek, tuman IIO tomonidan dastlabki surishtiruv harakatlari olib borilmoqda.

• Avtomobil
• Haydovchi
• Qoidabuzarlik
• Toshkent