Ijtimoiy tarmoqlarda Toshkent shahar Yakkasaroy tumani hokimligi hududida joylashgan “Armug‘on” MFY raisi A’zam Qodirov deya aytilyayotgan shaxs noma’lum sabab bilan nogiron fuqaroni ortidan kelib, tepib, tahqirlagani tasvirlangan video tarqaldi. Hokimlik matbuot xizmati ushbu hodisa yuzasidan rasmiy munosabat bildirgan.

Ma’lum qilinishicha, “Armug‘on” mahalla guzarida holat bo‘yicha Yakkasaroy tuman hokimligi Tashkiliy-kadrlar guruhi rahbari O.Rixsiboyev, tuman Mahalla va nuroniylarni qo‘llab-quvatlash bo‘limi boshlig‘i I.Xaitxojayev hamda tuman Mahalla va nuroniylarni qo‘llab-quvatlash bo‘limi boshlig‘inining maslahatchisi T.Sayfullayev ishitrokida yig‘ilish o‘tkazilgan.

A’zam Qodirov o‘zining bajarayotgan vazifasiga nomunosib xatti-harakatlarni amalga oshirgani uchun 28-noyabrdan “Armug‘on” mahallasi raisi lavozimidan ozod qilingan.

Shuningdek, poytaxt IIBBning ma’lum qilinishicha, mazkur holat yuzasidan Ma’muriy javobgarlik to‘g‘risidagi kodeksning 183-moddasi (mayda bezorilik) bilan ma’muriy bayonnoma rasmiylashtirilgan. Sud tomonidan huquqbuzarga nisbatan tegishli ta’sir choralari ko‘rilishi ta’minlanadi.

• Toshkent
• hokim