Toshkentda moliyaviy piramida tashkil qilgan xorijlik fuqarolar qo‘lga olindi.
IIV huzuridagi Tergov departamentining ma’lum qilishicha, Ukraina fuqarosi 29 yoshli M.M. joriy yil 15 yanvar kuni Toshkent shahrida asosiy faoliyati chakana savdo bo‘lgan “Golden Cash store” MChJ shaklidagi xorijiy korxonasini ta’sis etgan.
Mazkur shaxs va boshqalar 2020-yil yanvar oyidan fuqarolar orasida va internet tarmog‘i orqali ushbu korxonadan tilla va kumush buyumlarni sotib olish yo‘li bilan yillik 260 foizgacha daromad berib borish bilan qiziqtirib kelgan. Ular targ‘ibot-tashviqot ishlarini uyushtirib, fuqarolardan pul mablag‘larni qabul qilib, mijozlar oldidagi majburiyatlarini yangi mijozlar hisobidan go‘yoki daromad sifatida plastik kartalariga ma’lum miqdorda pul mablag‘larini o‘tkazish yo‘li bilan qiziqtirishgan va respublika bo‘yicha ko‘plab fuqarolarning juda ko‘p miqdordagi pul mablag‘larini qo‘lga kiritishgan.
Joriy yilning 17-noyabr kuni Toshkent shahar IIBB huzuridagi Tergov boshqarmasi tomonidan “Golden Cash store” MCHJ ko‘rinishdagi xorijiy korxona mansabdor xodimiga nisbatan Jinoyat kodeksining 188-1-moddasi 2-qismi “v, g” bandlari (pul mablag‘larini va (yoki) boshqa mol-mulkni jalb etishga doir noqonuniy faoliyat) bilan jinoyat ishi qo‘zg‘atilgan.
Mazkur jinoyat ishi bo‘yicha fuqarolarga yetkazilgan zararni aniqlash ishlari amalga oshirilmoqda.
Jinoyat ishi doirasida chet el fuqarolari M.M., v.K., S.T., A.S. va X.Sh.larga 188-1-moddasi 2-qismi “v, g” bandlari bilan ayblov e’lon qilinib, har biriga nisbatan “qamoqqa olish” tarzidagi ehtiyot chorasi qo‘llanilgan.
Hozirda jinoyat ishi yuzasidan tergovni O‘zbekiston Respublikasi IIV huzuridagi Tergov departamenti olib bormoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!