Bugun Toshkentda “Zakovat” oʻyinining sportcha versiyasi boʻyicha tarixda ilk bor Markaziy Osiyo kubogi bahslari boshlandi.

Musobaqada Oʻzbekiston, Qozogʻiston, Qirgʻiziston, Tojikiston va Turkmanistondan 48 ta jamoa ishtirok etmoqda.

Mukofot jamgʻarmasi 200 million soʻm. Bunda belgilangan pul miqdori birinchi oʻrin uchun – 100 million, ikkinchi oʻrin uchun – 60 million va uchinchi oʻrin uchun – 40 million soʻm tarzida taqsimlanadi.

Bosh sovrin – qimmatbaho kubok birinchi va ikkinchi oʻrinlarni egallagan jamoalar oʻrtasidagi alohida kurashda oʻynaladi.

Bugun saralash oʻyinlari boʻlib oʻtmoqda, uning natijalariga koʻra, ertaga bosh sovrinni qoʻlga kiritadigan 8 ta jamoa aniqlanadi.

• Markaziy_Osiyo
• Toshkent
• Zakovat