IIV, DXX va Toshkent shahar IIBB Jinoyat qidiruv boshqarmasi xodimlari tomonidan “Xavfsiz hudud” profilaktik tadbirlari olib borilgan. Bu haqda Toshkent shahar IIB xabar bermoqda.

Qayd etilishicha, joriy yilning 17-noyabr kuni olib borilgan “Xavfsiz hudud” profilaktik tadbirlari davomida IIV, DXX va Toshkent shahar IIBB Jinoyat qidiruv boshqarmasi xodimlari tomonidan muqaddam sudlangan 48 yoshli Аrsen oʻz uyida qurol yasash bilan shugʻullanishini aniqlangan.

Mazkur shaxsning yashash joyi tekshirilganda u yerdan revolver va toʻpponcha topilib, ballistika ekspertizasiga yoʻnaltirilgan. Ekspertiza xulosasiga koʻra, fuqaroning xatti-harakatlariga huquqiy baho berilishi maʼlum boʻlgan.

Oʻz navbatida IIBB fuqarolardan ushbu xatti-harakat uchun Oʻzbekiston Respublikasi Jinoyat kodeksining 248-moddasida (“Qurol, oʻq-dorilar, portlovchi moddalar yoki portlatish qurilmalariga qonunga xilof ravishda egalik qilish”) javobgarlik koʻzda tutilganligiga eʼtibor qaratishni soʻradi.

• DXX
• IIB
• Toshkent