31°
Kechasi 18°
Fuqaro 3 300 AQSh dollarini 35,3 mln. soʻmga noqonuniy sotib olgan vaqtida ushlangan. Bu haqda Iqtisodiy jinoyatlarga qarshi kurashish departamenti xabar berdi.
Qayd etilishicha, Bosh prokuratura huzuridagi Departamentning Mirzo Ulugʻbek tuman boʻlimi tomonidan DXX va IIV xodimlari bilan hamkorlikda tezkor tadbir oʻtkazilgan.
Unda valyuta qimmatliklarini noqonuniy muomalaga kiritish bilan shugʻullanib kelgan fuqaro A. fuqaro J.dan 3 300 AQSh dollarini 35,3 mln. soʻmga sotib olgan vaqtida ushlanib, uning yashash xonadoni koʻzdan kechirilganida, 158 AQSh dollari, 3 050 qirgʻiz somi, 195,5 mln. soʻm va 1 dona pul sanash apparati mavjudligi aniqlanib, ashyoviy dalil sifatida olingan.
Maʼlum qilinishicha, hozirda mazkur holat yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki oʻtkazish) bilan jinoyat ishi qoʻzgʻatilib, tergov harakatlari olib borilmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
