Bosh prokuratura huzuridagi Departamentning Toshkent shahar boshqarmasi va DXX tomonidan tezkor tadbir oʻtkazilgan.

Unda fuqaro A.Q. xaridor A.ga jami 2 744 dona “Regapen” nomli kuchli taʼsir qiluvchi dori vositasini 2 300 AQSh dollariga sotgan vaqtida ashyoviy dalillar bilan ushlanib, uning koʻrsatuviga asosan davom etgan tadbirda, Uchtepa tumani, 12-mavzeda joylashgan uyning yertoʻlasida 1 744 dona “Regapen” nomli dori vositasi saqlab kelinayotganligi aniqlanib, tadbir yakunida jami 80 quti 4 488 dona “Regapen” dori vositasi ashyoviy dalil sifatida olingan.

Xuddi shunday, Departamentning Chilonzor tuman boʻlimi hamda DXX tomonidan oʻtkazilgan tezkor tadbirda, fuqarolar D.T. va D.S.lar kuchli taʼsir qiluvchi dori vositalarini muomalaga kiritish orqali daromad orttirishni koʻzlab, 1 120 dona “Regapen” va 600 dona “Tropikamid” nomli dori vositalarini 4 000 AQSH dollariga sotgan vaqtida ashyoviy dalillar bilan ushlanganlar.

Maʼlum qilinishicha, mazkur holatlar yuzasidan Jinoyat kodeksining 186-3-moddasi (tarkibida kuchli taʼsir qiluvchi moddalar mavjud boʻlgan dori vositalarini resept boʻyicha chakana realizatsiya qilish tartibini buzish) bilan jinoyat ishlari qoʻzgʻatilib, tergov harakatlari oʻtkazilmoqda.

• Bosh prokuratura
• Jinoyat