$
10760.27 UZS
-6.22
145.55 UZS
-0.05
12186.01 UZS
-8.12
10° Kechasi

Toshkentda qo‘lbola kir yuvish kukunlarini tayyorlab sotayotgan yashirin sex faoliyati aniqlandi

11:15 / 11.11.2021

Bosh prokuratura huzuridagi Departamentning Uchtepa tuman bo‘limi tomonidan olib borilgan tezkor tadbirda YaTT “S.X.” tegishli hujjatlari bo‘lmagan 162 dona “Ariel”, “Tide”, “Persil” va “Mif” nomli kir yuvish kukunlarini xaridor F.ga 10,6 mln so‘mga sotgan vaqtida ushlangan.

Tadbir davomida, S.X. ushbu kir yuvish kukunlarini yashirin ishlab chiqarib, qadoqlab sotish bilan shug‘ullanib kelganligi aniqlanib, har biri 2, 3 va 6 kg. dan qadoqlangan jami 234 dona “Ariel”, “Tide” va “Mif”nomli va 3 dona polietilen qopda har biri 30 kg. bo‘lgan “Shabnam” nomli kir yuvish kukunlari va 200 dona har xil nomdagi kir yuvish kukunlari qoplari hamda qadoqlash uskunasi ashyoviy dalil sifatida olingan.  

Shuningdek, “The Procter & Gamble" kompaniyasi xulosasiga ko‘ra, yuqoridagi kir yuvish kukunlar kompaniya tomonidan ishlab chiqarilmaganligi hamda mahsulot qadoqlaridagi kod raqamlari qalbaki ekanligi qayd etilgan. 

Mazkur holat yuzasidan Jinoyat kodeksining 149-moddasi (mualliflik yoki ixtirochilik huquqlarini buzish) bilan jinoyat ishi qo‘zg‘atilib, tergov harakatlari o‘tkazilmoqda.


O‘zbekiston

Bu ham qiziq

O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!

O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!