Toshkentda soxta dollarga xonadon sotib olgan firibgarlar ushlandi.

IIV JQBB Uyushgan jinoyatchilikka qarshi kurash bo‘limi bergan ma’lumotga ko‘ra, 2021-yil 5-avgust kuni fuqaro H.T. hamda “Abror” ismli shaxslar fuqaro J.R.ning ishonchiga kirib, unga tegishli bo‘lgan Toshkent shahri, Markaz-5 mavzesida joylashgan xonadonni 40 ming AQSh dollariga sotib olishini va’da qilib, 4 bog‘lam 100 AQSh dollarlik qalbaki kupyuralarni (39,6 ming dollari qalbaki 400 dolari haqiqiy) bergan holda xonadonni notarial tartibda o‘zining nomiga rasmiylashtirib olgan.

Shu kuni H.T. o‘zining jinoiy harakatlarini davom ettirib, jinoiy sherigi “Abror” ismli shaxs bilan birga J.R.ga berilgan 496 dona qalbaki, 4 dona haqiqiy 100 AQSh dollarlik kupyuralarni va xonadon hujjatlarini egallash maqsadida R.J.ning xonadoniga g‘ayriqonuniy ravishda to‘pponcha bilan qurollangan holda bostirib kirib, uni urib, qo‘rqitib, bo‘g‘gan holda H.T. tomonidan berilgan qalbaki pullarni va uy hujjatlarini berishni talab qilib, R.J.ga tan jarohati yetkazishgan. 

Holat yuzasidan noma’lum shaxs – “Abror”ga nisbatan Jinoyat kodeksining 164-moddasi 3-qismi “v” bandi, 168-moddasi 4-qismi “a” bandi, 176-moddasi 3-qismi “a” bandlari bilan jinoyat ishi qo‘zg‘atilgan.

Shuningdek, surishtiruv ishlari davomida, 2021-yilning 17-noyabr kuni o‘tkazilgan tezkor tadbir natijasida, “Abror” ismli shaxs, 1995 yilda tug‘ilgan, Samarqand viloyati Narpay tumanida yashovchi, fuqaro X.A. ekanligi aniqlangan va Toshkent viloyatida joylashgan “Gʻisht-Ko‘prik” bojxona postida qo‘lga olingan.

Ayni paytda mazkur holat yuzasidan surishtiruv ishlarini IIV huzuridagi Tergov departamenti tomonidan olib borilmoqda. 

• Bosqinchilik
• Firibgarlik
• IIBB
• Jinoyat
• Samarqand
• Toshkent