Toshkent shahrida fuqaroni tibbiyot institutiga o‘qishga kiritib qo‘ymoqchi bo‘lgan shaxs 10 yilga qamaldi. Bu haqda Toshkent shahar IIBB xabar berdi.

Fuqaro S. A. o‘z o‘quvchisi B.ni oliygohga kiritib qo‘yishiga ishontirib, undan 8 ming dollar oladi.

Biroq siri fosh bo‘lgach, firibgarlik moddasi bilan sud tomonidan 2 yil 6 oyga ozodlikni cheklash jazosiga hukm qilinadi.

Shuningdek, ushbu jazodan yetarlicha xulosa chiqarmagan A. tanishi M. D.ning ishonchiga kirib, uni Toshkent Pediatriya tibbiyot institutiga o‘qishga kiritib qo‘yishga va’da berib, avval 16.000 so‘ngra yana 2.000 jami 18.000 AQSH dollari talab qildi. Biroq 2023-yilning 7-avgustida D.dan 13.000 AQSH dollari olayotgan paytida xodimlar tomonidan ashyoviy dalillar bilan qo‘lga olindi.

Jinoyat ishlari bo‘yicha Uchtepa tuman sudi ochiq sud majlisida 1982-yilda tug‘ilgan, muqaddam sudlangan S. A.ning qilmishini qonunan baholab, uni O‘zbekiston Respublikasi Jinoyat kodeksining 168-moddasi 4-qismi “a” bandi (“Firibgarlik”) va 211-moddasi 3-qismi “a” bandida (“Pora berish”) nazarda tutilgan jinoyatni sodir etganlikda aybdor deb topdi. Hamda unga 10 yil ozodlikdan mahrum qilish jazosini tayinladi.

• Firibgarlik
• IIBB
• Jinoyat
• Toshkent