“King Long” rusumli avtobus va Tracker rusumli yengil avtomobil ishtirokida sodir bo‘lgan yo‘l-transport hodisasi yuzasidan rasmiy ma’lumot berildi.

Bugun, 29-fevral kuni soat 06:45 larda, “2-Avtobus saroyi” filiali tasarrufidagi “King Long” rusumli, saroy raqami 556 bo‘lgan, 63-sonli yo‘nalishda harakatlanayotgan haydovchi A.J. boshqaruvidagi avtobus, ASHB tomon harakatlanayotgan vaqtda M.Ulug'bek tumani, Yangi O‘zbekiston ko‘chasi chorrahasidan qayrilib olish vaqtida, qarama-qarshi yo‘nalishda harakatlanib kelayotgan Tracker rusumli yengil avtomobil yuqori (197 km/soat) tezlikda kelib, avtobus (o‘rta shina qismiga tegib) bilan to‘qnashuv sodir etgan. Ushbu yo‘l-transport hodisasi vaqtida avtobus salonida yo‘lovchilar bo‘lmagan. Tracker avtomobili haydovchisi tan jarohati olgan va tez tibbiy yordam ko‘rsatish uchun shifoxonaga olib ketilgan.

Hozirda ushbu yo‘l-transport hodisasi Toshkent shahar IIBB YHXB xodimlari tomonidan rasmiylashtirilib, tergov-surishtiruv ishlari olib borilayotganligi ma’lum qilngan.

• Avtobus
• Avtomobil
• Toshkent
• YTH