31°
Kechasi 18°
Aniqlanishicha, joriy yilning 4-fevral kuni Toshkent shahridagi yo‘lovchi tashuvchi avtobusda fuqaro X.G‘. (1988-yilda tug‘ilgan erkak) mast holda bo‘lib, voyaga yetmagan U.I. (2012-yilda tug‘ilgan o‘g‘il bola)ga jinsiy tegajog‘lik va bolaning sha’niga zid boshqa noqonuniy harakatlar qilgan.
Bolaga nisbatan sodir etilgan bunday zo‘ravonlik holati bo‘yicha Chilonzor tumani IIB tomonidan tergovga qadar tekshiruv harakatlari olib borilgan.
Ushbu holat bo‘yicha fuqaro X.G‘.ga nisbatan Chilonzor tumani IIO FMB Tergov bo‘limi tomonidan O‘zbekiston Respublikasi Jinoyat kodeksining 129-moddasi (“O‘n olti yoshga to‘lmagan shaxsga nisbatan uyatsiz-buzuq harakatlar qilish”) bilan jinoyat ishi qo‘zg‘atilib, gumon qilinuvchi X.G‘. protsessual tartibda ushlangan. Bu haqda Bolalar ombudsmani xabar berdi.
Ma’lumot uchun: Jinoyat Kodeksining 129-moddasi. O‘n olti yoshga to‘lmagan shaxsga nisbatan uyatsiz-buzuq harakatlar qilish 1-qismi bo‘yicha:
– 2 yildan 3 yilgacha ozodlikni cheklash yoxud ikki yildan uch yilgacha ozodlikdan mahrum qilish.
2-qismi bo‘yicha:
– 3 yildan 5 yilgacha ozodlikni cheklash yoxud uch yildan besh yilgacha ozodlikdan mahrum qilish bilan jazolanadi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
