Joriy yilning 6-yanvar kuni soat 18:00larda 39 yoshli Xitoy davlati fuqarosi S.W. Mirzo Ulug‘bek tumanida joylashgan umumiy ovqatlanish maskanlaridan birida oila a’zolari bilan ovqatlanib o‘tirgan 36 yoshli K.D. (ayol) bilan kelib chiqqan o‘zaro tortishuv natijasida, uning bosh qismiga mushti bilan zarba berib, tan jarohatini yetkazgan.

Sud tibbiy ekspertiza xulosasida K.D.,da yengil turdagi tan jarohatlari mavjudligi ko‘rsatilgan.

IIV huzuridagi Tergov departamenti ma’lumotiga ko‘ra, mazkur holat yuzasidan Mirzo Ulug‘bek tumani IIO FMB huzuridagi Tergov bo‘limi tomonidan S.W.,ga nisbatan Jinoyat kodeksining 277-moddasi 1-qismi (bezorilik) bilan jinoyat ish qo‘zg‘atilgan.

Tergov jarayonida aniqlanishicha, S.W. hamda K.D.,lar mazkur umumiy ovqatlanish maskanida navbatlarini bo‘lisha olmay qolganliklari, shu vaqtda S.W. fuqaro K.D.,ni ingliz tilida haqorat qilganligi sababli janjal ko‘tarilib, tortishuv natijasida S.W. uni urib tan jarohat yetkazgan.

Hozirda tergov davom etmoqda.

Ma’lumot uchun, bu turdagi jinoyatlar uchun Jinoyat kodeksining normalariga ko‘ra, bazaviy hisoblash miqdorining 50 baravaridan 100 baravarigacha miqdorda jarima yoki 300 soatgacha majburiy jamoat ishlari yoxud 3 yilgacha axloq tuzatish ishlari jazosi tayinlanadi.

• IIBB
• Jinoyat
• Toshkent