AQShning saylangan prezidenti Donald Tramp o‘zining inauguratsiyasidan so‘ng Adliya vazirligiga qotillik va zo‘rlashda ayblanuvchilar uchun o‘lim jazosini tayinlash topshirig‘ini berishini aytdi. Bu esa amaldagi prezident Baydenning hukm qilinganlar uchun jazoni yengillashtirish qaroriga zid hisoblanadi.

“Inauguratsiyadan so‘ng men Adliya vazirligiga amerikalik oilalar va bolalarni zo‘ravonlik qiluvchilar, qotillar va yirtqich hayvonlardan himoya qilish uchun o‘lim jazosi tayinlashni buyuraman. Mamlakatda yana qonun va tartib bo‘ladi”, – deb yozgan Tramp o‘zining Truth Social ijtimoiy tarmog‘ida.

U ilgari 37 nafar mahkumning jazosini yengillashtirib, o‘lim hukmini umrbod ozodlikdan mahrum qilish jazosiga almashtirganligi uchun Baydenni qoralagan. Trampning so‘zlariga ko‘ra, bunday qaror adolatdan bo‘lmaydi va qurbonlarning yaqinlari tomonidan noroziliklarga sabab bo‘ladi.

• Jazo
• Qotillik
• Tramp
• zo‘ravonlik