“Sinxua” axborot agentligi Pekin shahar suv toshqini nazorati shtabiga tayanib xabar berishicha, Xitoy poytaxtining shimoliy tog‘li hududlarida halok bo‘lganlar qayd etilgan. Xususan, Miyun tumanida 28 kishi, Yansin tumanida 2 kishi halok bo‘lgan.

Shahar bo‘ylab jami 80 332 kishi suv sathining ko‘tarilishi sababli evakuatsiya qilingan. Mahalliy hokimiyat ma’lumotlariga ko‘ra, yog‘ingarchilikning maksimal miqdori Miyun tumanida 543,4 mm.ga yetgan.

Kuchli yomg‘ir 31 ta yo‘l uchastkasiga zarar yetkazgan va 136 qishloqda elektr ta’minotisiz qolgan.

So‘nggi kunlarda Miyun va poytaxtning boshqa hududlarida subtropik antisiklon chetidan issiq va nam havo ta’sirida yuzaga kelgan ekstremal va kuchli hodisalar qayd etilmoqda.

Rasmiylar aholi va mehmonlarni daryolar hamda tez oqadigan suv havzalaridan uzoqda bo‘lish va shaxsiy xavfsizlik choralariga rioya qilishga chaqirgan.

• Pekin
• Suv toshqini
• Xitoy