Rossiyaning Sankt Peterburg shahrida patentga ega bo‘lgan muhojirlarning taksi xizmatlarida ishlashi taqiqlandi. Bu haqidagi tegishli qaror shahar gubernatori Aleksandr Beglov tomonidan imzolangan.

Ushbu hujjat 10 kundan keyin kuchga kiradi. Taqiq 2025-yil oxirigacha joriy qilinadi. Qarorda ish beruvchilar uchun uch oylik o‘tish davri nazarda tutilgan. Bu vaqt ichida kompaniyalarga taksi haydash uchun “patent asosida mehnat faoliyatini amalga oshirayotgan chet el fuqarolarini” ishdan bo‘shatish va yangi ishchilarni jalb qilishi kerak.

Cheklov “Rossiya fuqarolarini ish bilan ta’minlash uchun qo‘shimcha imkoniyatlar yaratishga imkon beradi”, deyilgan hukumat qarorida.

“2025-yil yanvar oyida Rossiyaning 49 ta mintaqasida (shu jumladan, anneksiya qilingan Ukraina hududlari) migrantlarning ishlashiga turli darajadagi cheklovlar joriy etilgandi. Amalda taqiq obyektlari asosan O‘zbekiston va Tojikistondan kelgan ishchilar bo‘lgan”, – deb yozgan edi “Verstka” nashri.

Bunga 2024-yil mart oyida Crocus City Hall’dagi teraktdan keyingi muhojirlarga qarshi choralar sabab bo‘lgan.

• O‘zbekistonlik
• Rossiya
• Sankt-Peterburg
• Taksi
• muhojir
• taqiq