Shaxmat muxlislari sovrin jamg‘armasi 1 mln 550 ming dollarlik musobaqa startidayoq Nodirbek Abdusattorov va Magnus Karslen qarama-qarshiligiga guvoh bo‘lishadi.

Bugun Saudiya Arabistoni poytaxti Ar-Riyod shahrida shaxmat bo‘yicha mukofot nufuzli Esports World Cup Chess turniriga start beriladi.

Esports World Cup Chess turnirining asosiy ishtirokchilari safiga saralash bahslaridan muvaffaqiyatli o‘tib olgan Javohir Sindarov ham qo‘shilgan edi. Bugundan boshlanadigan turnirda Nodirbek Abdusattorov ham bosh sovrin uchun dona suradi. Abdusattorov NAVI, Sindarov esa Team Vitality jamoasi nomidan musobaqada ishtirok etadi.

Qur’a natijasiga ko‘ra, Nodirbek ilk turdayoq qora donalarda jahon tojdori, norvegiyalik Magnus Karlsen bilan o‘ynaydigan bo‘ldi. Javohir esa oq donalarda yana bir reyting yetakchilaridan biri, amerikalik Hikaru Nakamura bilan hisob-kitob qiladi.

Bugun va ertaga guruh o‘yinlari o‘tkaziladi. 31-iyul kuniga pley-off, 1-avgust sanasiga esa final uchrashuvlari belgilangan. Musobaqaning saralash o‘yinlari 4 ta guruhda tashkil etiladi.

• Magnus Karlsen
• Nodirbek Abdusattorov
• Shaxmat
• turnir