Termizda Prezident Shavkat Mirziyoyev raisligida Surxondaryoni ijtimoiy-iqtisodiy rivojlantirish yuzasidan yig‘ilishida viloyatning tranzit va turizm salohiyatini ishga solish masalalari haqida gapirildi.

Ta’kidlanishicha, viloyatga qo‘shni davlatlarda 5 milliard dollarlik katta bozor bo‘lsa-da, ularga eksportimiz 200 million dollarga yetmaydi.

Hozirda 75 million dollar sarmoya evaziga “Termiz xalqaro savdo markazi” qurilmoqda. Markazga “Termiz” bojxona posti ko‘chiriladi, “yagona darcha”, notarial va bank xizmatlari yo‘lga qo‘yiladi.

Shuningdek, Sariosiyodagi “O‘zbek-Tojik chegara posti” yonida 6 gektar bo‘sh yerda “Transport logistika markazi”ni barpo etish, Bandixondagi “Tangi-mush” stansiyasida eksport uchun yuk ortish-tushirish xizmatlari yo‘lga qo‘yiladi.

Tranzit salohiyati yuqori Termiz shahri, Jarqo‘rg‘on, Sariosiyo va Uzundagi magistral yo‘l chetida logistika-servis markazlari ochiladi, Jarqo‘rg‘on, Oltinsoy va Denovni bog‘lovchi 111 kilometr yo‘lni ta’mirlashga xususiy sherik jalb qilinadi.

• Prezident
• Surxondaryo
• Yalpi Majlis