2024-yil 13-iyun kuni “VISA” kompaniyasining Markaziy Osiyo mamlakatlarida biznesni rivojlantirish bo‘yicha katta direktori A.Boroddin boshchiligidagi delegatsiyasi bilan muzokaralar o‘tkazildi. Bu haqda O‘zbekiston Turizm qo‘mitasi xabar berdi.

Qayd etilishicha, uchrashuvda turizmni raqamli transformatsiya qilish bo‘yicha qo‘shma ishchi guruhning tayyorgarlik ishlari natijalari e’lon qilingan. Sayyohlik trafigi to‘g‘risidagi ma’lumotlarni almashish, sayyohning “o‘rtacha chekini” oshirish, turbiznesning yangi mahsulotlari va xizmatlarini targ‘ib qilish, turpotentsial bo‘yicha qo‘shma marketing kampaniyalari va turmarshrut bo‘ylab naqd pulsiz hisob-kitoblarni rag‘batlantirish bo‘yicha keyingi qadamlar muhokama qilingan.

Shuningdek, muzokaralar natijasida O‘zbekiston Turizm qo‘mitasi va “VISA” kompaniyasi o‘rtasida tegishli hamkorlik memorandumi imzolangan.

• Turizm
• Visa