Turkiya oliy oʻquv yurtlari mamlakat janubi-sharqida sodir boʻlgan vayronkor zilzila munosabati bilan masofaviy taʼlimga oʻtadi. Bu haqda Turkiya prezidenti Rajab Toyyib Erdo‘gʻan.

“Oʻchogʻi Qahramanmarasda boʻlgan halokatli zilzilalar oqibatlari tufayli Turkiya universitetlari yozgacha toʻliq masofaviy taʼlimga oʻtadi”, dedi Erdogʻan bugun, 11-fevral kuni Diyarbakir viloyatiga tashrifi chogʻida.

Unga ko‘ra, ofat zonasi aholisi davlat balansida bo‘lgan barcha yotoqxonalarga joylashtiriladi.

Prezident tabiiy ofat oqibatlarini bartaraf etish uchun davlat barcha imkoniyatlarni safarbar qilganiga ishontirdi.

“Fuqarolarni hokimiyatga ishonishga chaqiraman, biz sizni qiyin ahvolda qoldirmaymiz!”, - dedi Prezident.

6-fevral kuni ertalab Turkiya janubi-sharqida 7,7 magnitudali zilzila yuz berdi. Turkiya prezidenti Rajab Toyyib Erdo'g'anning so'zlariga ko'ra , bu 1939-yildan beri eng kuchlisi bo'ldi. O'sha kuni tushdan keyin yana 7,6 magnitudali zilzila sodir bo'ldi. Yer silkinishlari, so‘ngra yuzlab yerosti silkinishlari mamlakatning 10 viloyati va qo‘shni davlatlar, jumladan Suriyada ham sezilgan. Tabiiy ofat oqibatida 21 mingdan ortiq odam halok bo‘ldi.

• Turkiya
• Universitet
• Zilzila
• masofaviy ta'lim