Turkiya janubi-sharqidagi qishloq xo‘jaligi dalalarida sodir bo‘lgan yong‘in oqibatida kamida 11 kishi halok bo‘ldi, 70 dan ortiq kishi jarohatlandi. Bu haqda mamlakat sog‘liqni saqlash vaziri Fahrettin Koja 21-iyunda xabar berdi deydi DW.

Uning so‘zlariga ko‘ra, jabrlanganlarning 10 nafari og‘ir ahvolda. Ular mahalliy shifoxonalarda davolanmoqda.

Kecha kechqurun Diyarbakir viloyatidagi dehqonchilik hududida boshlangan yong‘in kuchli shamol tufayli qo‘shni Mardin viloyatiga ham yoyilgan. Turkiya ichki ishlar vaziri Ali Yerlikayaning 21-iyunga o‘tar kechasi xabar berishicha, o‘t o‘chiruvchilar yong‘in tarqalishini to‘xtatishga muvaffaq bo‘lishgan. Ammo o‘chirish ishlari davom etmoqda. Yong‘in sabablari noma’lum.

• Turkiya
• yong‘in